Nemendur öðlast fræðilega og hagnýta grunnþekkingu í vélfræði. Fjallað er um mismunandi form orku, afls og orkunýtingu. Lögmál varmafræðinnar um óforgengileika orkunnar eru kynnt ásamt SI-mælieiningakerfinu. Fjallað er um eldsneytisnotkun bulluvéla og orkuforða og um nýtni bulluvéla, pV-línurit og pt-línurit og samhengi þrýstings og hitastigs. Meðalþrýstingur (pmi) fundinn í pV-línuriti með lóðlínuaðferð, framleitt afl dísilvéla reiknað. Nemendur kynnast aflmælingum véla og reikna nýtni þeirra.
Nemandi skal hafa öðlast þekkingu og skilning á:
þáttum sem hafa áhrif á aflframleiðslu véla
orkunýtingu og eldsneytisnotkun bulluvéla og samhengi aflframleiðslu og byggingar þeirra
aðferðum við mælingar á meðalþrýstingi
áhrifum mismunandi álags á form pV-línurits
lögmáli varmafræðinnar um varðveislu orkunnar
þjöppunarhlutfalli og rúmmálsmælingum á vélum
samhengi aflframleiðslu og álags og hvernig breytilegt álag hefur áhrif á virkni vélar
ásafli og aflmælingu véla með mismunandi hemlum
hugtökum vélfræðinnar svo sem vinnu, afli og orku
þróun véla og SI-mælikerfinu
Nemandi skal hafa öðlast leikni í að:
reikna út eldsneytisnotkun og aflframleiðslu meðalhraðgengra dísilvéla
útskýra algengar tegundir ritmynda og mæla þær með flatarmæli
útskýra samhengi þrýstings og hitastigs og geta reiknað út þjöppunarhlutfall
útskýra helstu einkenni eldsneytisolíu og gera grein fyrir vinnslu og eiginleikum eldsneytis brunavéla
meta ástand véla út frá ritmyndum meðalþrýstingi
Nemandi skal geta hagnýtt þá almennu þekkingu og leikni sem hann hefur aflað sér til að:
útleiða formúlur sem notaðar eru í námsefninu
skilja áhrif breyta í vélareikningi og geta beitt þeim við lausn verkefna í ýmsum verklegum áföngum, t.d. við bilanagreiningu og í daglegum störfum vélstjóra
leggja mat á ástand dísilvélar, innsprautun eldsneytis og bruna í dísilvélum
nota handbækur og fræðibækur í vélfræði við úrlausn tæknilegra vandamála varðandi dísilvélar
- Kennari: Ivar Valbergsson
- Kennari: Þorsteinn Ingi Hjalmarsson